හිත ලෙඩ කරන selfi

නූතන කාර්යබහුල සමාජයේ නැතිවම බැරි උපකරණයක් වන ජංගම දුරකථනය වර්තමානය වන විට ගෙන ඇති නවතම සංකල්පය වන්නේ සෙල්ෆි ය. මෙය ජංගම දුරකථන වෙළදපොළ ස්ථාවරව පවත්වා ගැනීමට ගත් සාර්ථක උත්සාහයක්. සෙල්ෆි නූතනය තුළ නව ජනප‍්‍රිය සංස්කෘතියක් බවට පත්ව ඇත. මේ අපූර්ව වූ කලාව බාල මහළු කොයි කවුරුත් නම කියූ සැනින්ම හදුනන්නකි. සරලවම කිවහොත් සෙල්ෆියක් යනු කැමරාවක් ඔස්සේ තමා විසින්ම තමන්ගේ ඡායාරූපයක් ගැනීමයි. ජංගම දුරකථනය බහු කාර්යය උපකරණයක් බවට පත් කරමින් ඊට කැමරාවක් සහ ඡායාරූප මෘදුකාංග එක් කර වෙළදපොළට හදුන්වා දුන් අවස්ථාවේ පටන් එතෙක් භාවිතයේ පැවති සාමාන්‍ය කැමරා භාවිතයෙන් ඉවත් කෙරුණි. ඊට හේතු වූයේ කැමරා සහිත ජංගම දුරකථන භාවිතයේ සහ රැගෙන යාමේදී පවතින පහසුවයි. 

නූතන සොයා ගැනීම් වලට අනුව කැමරාව නිපදවූ අවදියේ සිටම මිනිසුන් තම ඡායාරූප තමා විසින්ම ගැනීමේ කලාවේ නිරතව ඇත. නමුත් ඊට සෙල්ෆි යන නම ලැබී ඇත්තේ මෑතකදී ය .වර්තමානයේ සෙල්ෆි සදහාම හදුන්වා දෙන කැමරා, දුරකථන වල පවතී. අතීතයේ පැවති දුරකථනය හෝ කැමරාව අනෙත් අත හරවමින් ඡුායාරූප ලබා ගැනීමේ අපහසු ක‍්‍රියාවලිය වර්තමාන සමාජයෙන් තුරන්ව ඇත. ඒ වෙනුවට පහසුවෙන් තම නිර්මාණශීලීත්වය යොදමින් කලාත්මක ඡායාරූප ගැනීමේ හැකියාව වර්තමාන තාරුණ්‍යයට හිමිව ඇත. සෙල්ෆි ඡායාරූප හේතුවෙන් ලැබී ඇති තවත් වාසියක් වන්නේ සමූහ ඡායාරූප එමගින් ලබා ගැනීමේ ඇති හැකියාවයි. එය Group selfi ලෙස හදුන්වයි. 

ඇමරිකානු මනෝ විද්‍යා සංගමයේ නවතම වාර්තාවලට අනුව සෙල්ෆි ලොව පුරා මානසික රෝගින් බිහි කරන්නක් බවට අනාවරණය විය. ඔවුන්ට අනුට සෙල්ෆි ගැනීම හේතුවෙන් මිනිස් මනස ව්‍යාධි සහගත තත්ත්වයට පත්වේ. එමෙන්ම මේ රෝගයේ අවස්ථා 03ක් පවතී. රෝගයේ මූලාරම්භක අවධියේ සෙල්ෆි ඡායාරූප සමාජ ජාල සදහා මුදා නොහැරෙන අතර ඒවා බලා සෑහීමට පත්වීම පමණක් සිදුවේ. රෝගයේ දෙවැනි අදියර වන විට දිනකට සෙල්ෆි ඡායාරූප විශාල සංඛ්‍යාවක් ලබා ගෙන ඉන් කිහිපයක් සමාජ ජාල වෙත මුදා හැරේ. රෝගයේ දරුණුම අවස්ථාවේ සෙල්ෆි ගැනීමේ සීමාව ඉක්මවන අතර දිනකට සෙල්ෆි බොහෝ ප‍්‍රමාණයක් සමාජ ජාල වෙත මුදා හරීයි. 

මිනිස් දිවි පෙවෙත උඩු යටිකුරු කිරීමට සෙල්ෆියට හැකිව තිබේ. වර්තමානයේ විවිධ නම්වලින් හදුන්වන සෙල්ෆි පවතී. පොල්ෆි යනුවෙන් කා අතරත් ජනප‍්‍රිය වන්නේ මාර්ග නීති කඩ කර දඩ නියම වූ අවස්ථා වලදී ලබා ගන්නා ඡායාරූපයි. වර්තමානය වන විට කාන්තාවන් අතර ජනප‍්‍රිය වන්නේ wash room ය. ශරීර කෘත්‍ය සිදු කරමින් සෙල්ෆි ලබා ගෙන එය සමාජ ජාල වෙතට මුදා හැරීමට තරම් වල්මත් වූ සමාජයක් බිහි කරන්නට සෙල්ෆියට හැකිව ඇත. අවදානම් ස්ථානවල ගන්නා සෙල්ෆිද ඉතා ජනප‍්‍රියය. නමුත් තම ජීවිතය අවදානමට ලක් කර සෙල්ෆි ගැනීම අනතුරුදායක මෙන්ම මෝඩ ක‍්‍රියාවකි. 

සෙල්ෆි උන්මාදය හේතුවෙන් මනුෂ්‍යත්වයද පසෙකලා ඇතැමුන් කටයුතු කරයි. ඊට හොදම නිදර්ශනය පසුගිය ආපදා කාලයේ දැකගත හැකි විය. විපතව පත් වූවන්ට ආධාර බෙදමින්, ගංවතුර අවස්ථාවේ එහි සිටිමින් ලබා ගත් සෙල්ෆි පසුගිය අවධියේ මුහුණු පොතේ සැරිසරන්නට විය. 

සෙල්ෆි යනු කලාවකි. නමුත් සෙල්ෆි උන්මාදය නම් ඝණ අන්ධකාරයේ නොගිලී යථාර්ථයට අනුව දිවි ගෙවීම ඔබෙත් මගෙත් හිත සුව පිණිස හේතු වේ.