සර්වාංගයටම සුව දෙන දිව ඔසුවකි සියඹලා

සර්වාංගයටම සුව දෙන දිිව ඔසුවකි සසියඹලා නම ඇසූ පමණින් බොහෝ දෙනෙක්ගේ මුඛයට කෙළ උනන්නේ කෑමට දක්වන ප‍්‍රියතාවය නිසාම නොවේ. නමුත් සියඹලා අප භාවිත කරන්නේ දේශීය රසකාරක කුළු බඩුවක් ලෙසයි. කෙසේ වුවත් සියඹලා යනු රසකාරකයක් පමණක්ම නොවේ. එය දේශීය ඖෂධයකි.පෙර රජ කාලයේ සියඹලා ශාකයට හානියක් කළහොත් එය රාජ උදහසට ලක්විමට තරම් කරුණක් ලෙසය සැළකූ බවට පුරාණ ග‍්‍රන්ථ තොරතුරු සපයයි. එතරම් වටිනාකමක් මේ ශාකයට හිමි වූයේ මෙහි පවතින ඖෂධීය ගුණය හේතුවෙනි.

ලෙගියුම්නොසියෝ කුලයේ ටැමරින්ඩස් ගණයට අයත් සියඹලා ශාකය වියලි කලාපීය දේශගුණයක බහුලව දක්නට ලැබේ. ඉන්දියාව සියඹලා ශාකයේ නිජබිම වන්නට ඇතැයි බොහෝ දෙනෙක් සලකන්නේ සියඹලා දකුණු ඉන්දියාවට ආවේණික ශාකයක් වන නිසාය. නමුත් දකුණු අප‍්‍රිකාව සියඹලා ශාකයේ නිජ බිමයි. වර්තමානය වන විට පකිස්ථානය, බුරුමය, බෙංගාලය සහ ශ‍්‍රී ලංකාවේ සියඹලා ශාකය ව්‍යාප්තව ඇත.මෙම ශාකය බෝවීම සිදු වන්නේ බීජ මගිනි. ශාකය වැඞී අවුරුදු 10 ඉක්මවන විට ඵල හට ගැනීම ඇරඹේ.

සියඹලා කරල පොත්ත, මදය සහ ඇටයෙන් සමන්විතය.ඉදුණු සියඹලා මිහිරි ඇඹුල් රසයකින් යුතුය. ආහාර රස ගැන්වීමට මෙන්ම ඖෂධයක් ලෙස සියඹලා ශාකයේ සෑම කොටසක්ම පාහේ භාවිත කරයි.

උෂ්ණාධික පානයක්් වන සියඹලා බොරය ආහාර රුචිය වැඩවීමටත් පිපාසය සමනය කිරීමටත් හැකි අගනා පානයකි. දේශීය වෙදකමෙහි අම්ල වර්ග වලට විශේෂ තැනක් හිමිවිය. අම්ල වර්ග වලින් කෙරෙන ප‍්‍රබලතම කාර්යය හදවත් රෝග සුව කිරීමයි. ඉදුණු සියඹලා මදය හදවතට ඉතා ගුණදායක වන අතර ඉන් මළ බද්දය දුරු කිරීමේ හැකියාව පවතී. එමෙන්ම ඉදුණු ඵලය අමාශයට හා අන්ත‍්‍ර වලට ඉතා ගුණදායකය. 

සියඹලා කුඩා ළමුන්ට ලබාදෙන අනගි විරේක ඔසුවක් ලෙස මව්වරුන් අතර නොරහසකි. අතීසාර රෝගීන්ට සියඹලා අනගිි ඔසුවකි. සියඹලා බීජයේ පවතින රතු පැහැති කුරුට්ට අතීසාර රෝග හරණය කරයි. එමෙන්ම අතීසාර රෝගීන්ට ලබාදෙන සියඹලා කොළ ආම්ලික සාරය මුත‍්‍රා ගල් අවස්ථාවන්හී ද භාවිත කරයි. 

සියඹලා යොදා ගනිමින් අතීතයේ පිළියෙල කරන තැම්බුම් හොද්ද කායම් හොද්ද යනුවෙන් කා අතරත් ප‍්‍රසිද්ධය. වර්තමානයේත් දරුවන් ප‍්‍රසූත කළ මව්වරුන්ට සහ මල්වර වූ දැරියන්ට තැම්බුම් හොදි පානය කිරීමට සලස්වන්නේ සිරුරේ ප‍්‍රතිශක්තිය වැඩවීමට සමත් ඔසුවක් ලෙස සියඹලා හ`දුන්වන බැවිනි.

සියඹලා කරලටම ආවේණික වු රසවත් ඇඹුල වෙනත් කිසිදු දෙයකින් ලබා ගන්නට නොහැක. ආහාර කල් තබා ගැනීමට අතීතයේ පටන් සියඹලා යොදා ගෙන තිබේ. සියඹලා කරලේ පවතින සීනි සහ ආම්ලිකතාව ඉහළ අගයක පැවතීම මීට හේතුවයි. මීට අමතරව සියඹලා බීජයෙන් විවිධ ආහාර නිෂ්පාදනය කරයි. එනම් සියඹලා පල්පය, බීම, අච්චාරු, සිරප්, දෝසි, සොස්, චට්නි, ජෑම් සහ ටොෆී යනාදීයයි. 

ඇතැම් සත්ත්ව විෂ නසන්නටත් සියඹලා ශාකයේ නොයෙක් කොටස් භාවිතයට ගැනේ.

සියඹලා බීජය වාණිජ වටිනාකමින් යුතු භාණ්ඩ නිමවීමට භාවිත කරන අතර ඒවා ස`දහා වෙළ`දපොළෙහි විශාල ඉල්ලූමක් පවතී. එමෙන්ම සියඹලා බීජයෙන් ලබා ගන්නා කහ පැහැයට හුරු තෙල් වාර්නිස් හා තීන්ත නිශ්පාදනයට යොදා ගනී.

සියඹලා කුළු බඩුවක් ලෙසත් ඖෂධයක් ලෙසත් අප සිරුරට ලබා දෙන දායකත්වය සුළු කොට තැකිය නොහැක. ක්ෂණික ආහාර සහ කෘතීම ආහාර ස`දහා ඉල්ලූම වැඩිවන යුගයක ඖෂධීය වටිනාකමකින් යුතු සියඹලා පරිභෝජනය තුළින් සෞඛ්‍ය සම්පන්න ජීවිතයක් ගත කල හැක.